لاہور: پاکستان کرکٹ بورڈ نے سیزن 2020-21 کیلئے 18 کھلاڑیوں پر مشتمل سینٹرل کنٹریکٹ کا اعلان کردیا، تاہم اس سیزن کے دوران پاکستانی ٹیم کو کس کس سے اور کتنے کتنے میچز کھیلنے ہیں جانیئے۔

آئندہ سیزن میں پاکستان کو آئرلینڈ کے خلاف 2 ٹی ٹوئنٹی انٹرنیشنل میچوں پر مشتمل سیریز جولائی میں کھیلنی ہے جبکہ جولائی سے ستمبر کے دوران انگلینڈ کے خلاف 3 ٹیسٹ اور 3 ٹی ٹوئنٹی میچز کھیلنے ہیں۔

اس کے علاوہ قومی ٹیم کو جنوبی افریقہ کے خلاف 3 ون ڈے اور 3 ٹی ٹوئنٹی میچز کی سیریز اکتوبر میں کھیلنی ہے اور زمبابوے کے خلاف 3 ایک روزہ اور 3 ٹی ٹوئنٹی میچز پر مشتمل ہوم سیریز نومبر میں کھیلنی ہے۔

قومی ٹیم نیوزی لینڈ کے خلاف 2 ٹیسٹ اور 3 ٹی ٹوئنٹی میچز کی سیریز دسمبر میں اور جنوبی افریقہ کے خلاف 2 ٹیسٹ اور 3 ٹی ٹوئنٹی پر مشتمل ہوم سیریز جنوری 2021 میں کھیلے گی۔

اس کے بعد قومی ٹیم کو زمبابوے کے خلاف 2 ٹیسٹ اور 3 ٹی ٹوئنٹی میچز کی سیریز اپریل 2021 میں کھیلنی ہے۔

ان دو طرفہ سیریز کے علاوہ پاکستان کو ایشیا کپ ٹی ٹوئنٹی ٹورنامنٹ اور آئی سی سی ٹی ٹوئنٹی ورلڈکپ 2020 میں شرکت کرنا ہے۔